1. INLEIDING:
Paulus
is baie duidelik daaroor dat ’n wêreldwye
rebellie teen God in die openbaar en regdeur die geskiedenis sal plaasvind. Dit
sal wêreldwyd gesien kan word deur die openlike en regeringgesteunde afbreek
van morele waardes; wetteloosheid, ens. wat alledaags sal raak. Ons wat die
nuus lees en luister en kyk, sien die realiteit hiervan elke dag, meer en meer.
Hier kan ons maar net dink aan Obama van die VSA se openlike steun vir “Planned
Parenthood” wat befonds word
uit die staatskas en waardeur nagenoeg 1 miljoen babatjies (fetusse) jaarliks, “wettig"
geaborteer word. Trouens dit word aangemoedig en die VSA en Obama in
persoon, oefen druk uit op ander lande om dieselfde weg te volg - so bv. plaas
die VSA tans geweldige druk op Bolivië toe om aborsie te wettig.
As
daar een gebed is wat ons kan bid wanneer dit kom by aborsies is dit dat ons
kan bid dat die Republikeine die volgende Presidentsverkiesing sal wen, want al
tien die kandidate wat tans in die wedloop is om die Republikeine se
presidentskandidaat te wrd, is ten gunste daarvan dat die staat hulle finansiële steun vir “Planned
Parenthood” sal staak.
In
hierdie kosmiese drama is daar twee “hoofrolspelers”. Aan die
eenkant is dit Satan en aan die anderkant is dit die God van Waarheid.
Die
Woord van God is baie duidelik daaroor dat die mensdom verdoem is a.g.v. hul rebellie
teen God en een van die belangrikste vrae wat ons kan vra is hoe ons, maar ook
diegene wie in rebellie teen God verkeer, God se toorn kan afweer?
Ten
einde ’n antwoord op hierdie vraag te kry wil ek hê dat ons vanoggend na 2 Tess. 2 sal blaai en ek wil dat ons uit die OAV
lees.
2. SKRIFLESING:
2
Thes 2:1-12 (OAV) ~ 1MAAR ons vra
julle, broeders, met die oog op die wederkoms van onse Here Jesus Christus en
ons vereniging met Hom, 2om nie gou julle
verstand te verloor of verskrik te word nie—deur gees of
deur woord of deur brief wat van ons afkomstig sou wees—asof die dag van
Christus al daar is. 3Laat niemand
julle op enige manier mislei nie, want eers moet die afval kom en die mens van
sonde geopenbaar word, die seun van die verderf, 4die teëstander wat hom
verhef bo al wat God genoem word of voorwerp van aanbidding is, sodat hy in die
tempel van God as God sal sit en voorgee dat hy God is. 5Onthou julle nie dat ek dit altyd vir julle gesê het toe ek nog by julle was nie? 6En nou, julle weet wat hom teëhou, sodat hy op
sy tyd geopenbaar kan word. 7Want die
verborgenheid van die ongeregtigheid is al aan die werk, net totdat hy wat nou
teëhou, uit die weg geruim is; 8en dan sal die ongeregtige geopenbaar word, hy
wat die Here met die asem van sy mond sal verdelg en deur die verskyning van sy
wederkoms tot niet sal maak, 9hy wie se koms is
volgens die werking van die Satan met allerhande kragtige dade en tekens en
wonders van die leuen 10en met
allerhande verleiding van ongeregtigheid in die wat verlore gaan, omdat hulle
die liefde tot die waarheid nie aangeneem het om gered te word nie. 11En daarom sal God hulle die krag van die
dwaling stuur, om die leuen te glo, 12sodat almal geoordeel kan word wat die waarheid nie
geglo het nie, maar behae gehad het in die ongeregtigheid.
3. TEKSVERSE:
Ek
wil as teksverse neem, vv.9-12 en hier sal ons kyk na waarskynlik een van die
mees beskrywende gedeeltes in die ganse Bybel oor die aard van geloof en
ongeloof.
Kom
ons lees ook ons teksverse in die ESV ~ 9The coming of the lawless one is by the activity of Satan with all power
and false signs and wonders, 10and with all wicked deception for
those who are perishing, because they refused to love the truth and so be
saved. 11Therefore God sends them a strong delusion, so that they
may believe what is false, 12in order that all may be condemned who
did not believe the truth but had pleasure in unrighteousness.
4. ANALISE VAN TEKSVERS:
Kom
ons werk stelselmatig deur hierdie gedeelte. Ten einde dit te doen wil ek hê dat ons hoofsaaklik na die OAV sal kyk. In v.9 sê Paulus ~ …hy wie se koms
is… en die ESV sê ~ …The coming of the lawless one… Al klaar het ons hier ’n beter begrip van wie
aan die kom is, of wie gekom het. Wie is hierdie “hy”, of te wel
die “Lawless one”? Hierdie is ’n verwysing
na o.a. 2 Tess.2:3-4 waar daar geskryf staan ~ Laat niemand
julle op enige manier mislei nie, want eers moet die afval kom en die mens van
sonde geopenbaar word, die seun van die verderf, die teëstander wat hom
verhef bo al wat God genoem word of voorwerp van aanbidding is, sodat hy in die
tempel van God as God sal sit en voorgee dat hy God is. Ook Daniël praat van
hom in Dan.7:25 ~ En hy sal woorde spreek teen die Allerhoogste
en die heiliges van die Allerhoogste mishandel; en hy sal probeer om tye en wet
te verander, en hulle sal in sy hand oorgegee word gedurende ’n tyd en tye en
die helfte van ’n tyd (sien ook
Openb.13).
Hier
het ons dus ’n duidelike verwysing na die satan self - hy is die een wat volgens
v.9b, oor allerhande kragtige dade beskik. DIe ESV vertaal dit met “all power”. Dit
impliseer natuurlik nie dat hy oor alle mag in die letterlike sin van die
betekenis beskik nie - hy is m.a.w. nie almagtig soos God nie, maar hy kom met
al die mag wat hy tot sy besikking het - in volle geweld dus teen die Kerk van
die Here Jesus.
Ons
sien verder in die laaste gedeelte van v.9, dat hierdie krag van hom gepaard gaan met
allerlei dade en tekens (“signs and
wonders”), maar let op wat Paulus sê, dit is vals tekens en
wonders. DIe OAV sê “tekens en wonders van die leuen”. Die Griekse woord wat hier gebruik word [ψεῦδος (pseudos)] beteken
letterlik, ’n “doelbewuste valsheid” en Paulus
omskryf dit self nog verder in v.10 wanneer hy sê dat hierdie doelbwuste vals tekens en wonders, verleidelik van aard is.
Die satan gebruik dus hierdie vals tekens en wonders om mense te verlei tot
valsheid.
Wie
is die mense wat verlei word tot valsheid? V.10 ~ …die wat verlore gaan. ’n Nog
belangriker vraag egter is waarom gaan hierdie mense verlore? Wat doen hulle om
verlore te gaan? Dan kan ’n mens sekerlik
terselfdertyd ook vra, wat moet jy doen om nié verlore te gaan nie?
• Redes waarom
mense verlore gaan:
- Ons sien eerstens in die res van v.10, dat
hierdie mense verlore gaan, omdat hulle die liefde tot die Waarheid nie aangeneem het nie. Die ESV
stel dit baie mooi en duidelik ~ …because they
refused to love the truth. Dan gaan Paulus voort en hy sê dat omdat diesulkes die Waarheid verwerp, word hulle nie gered nie.
In
v.11 vind ons ’n baie interessante reaksie - ’n reaksie van
God. Omdat hulle, hulle steur aan allerlei doelbewuste vals tekens en wonders
en hulle daadeur op ’n punt kom waar hulle weier om die Waarheid
lief te hê, lewer God hulle oor aan ‘n dwaling om die leuen
te glo - Die ESV omskryf hierdie dwaling wat oor hulle sal kom, nog beter - die
ESV sê ~ Therefore God
sends them a strong delusion… Hy bring dus
misleiding oor hulle - hulle word mislei deur valsheid en daarom tree God se
oordeel (“judgement”) in werking en handig Hy hulle
letterlik oor aan misleiding.
Dit
is ook interesant om daarop te let, dat hierdie oordeel van God, reeds in
hierdie lewe begin.
Hierdie
misleiding waaronder hierdie mense nou staan, het tot gevolg dat hulle die
leuen glo.
Die
eerste rede dan waarom hierdie mense verlore gaan, is hulle weiering om die
Waarheid te glo.
- Tweedens gaan hierdie mense verlore, omdat
hulle die leuen glo, of te wel, omdat hulle glo wat vals is (v.11b).
Met
die eerste rede het ons gesien dat God hulle oorgee aan misleiding en a.g.v.
die tweede rede, nl dat hulle die leuen glo, word hulle geoordeel (v.12a).
- In v.12b vind ons ’n derde rede
waarom hulle verlore gaan, nl. dat hulle nié die Waarheid glo nie.
- In in die laaste gedeelte van v.12 vind ons
’n vierde rede waarom hulle verlore gaan, nl. dat hulle ’n behae het
in die ongeregtigheid. Die ESV vetaal dit met ~ …but had pleasure in unrighteousness. Wat is
hierdie ongeregtigheid? Sonde! Sonde is ongeregtigheid, of te wel,
ongeregtigheid is sonde. As mense dan die ongeregtigheid lief het, beteken dit
dat hulle alles wat verkeerd is; alles wat sondig is, lief het.
As ’n mens vinnig
deur hierdie paar verse lees dan is dit baie duidelik dat hier ’n goue draad
deur die redes loop waarom mense verlore gaan (miskien is
die kleur goud nie die korrekte nie en moet ’n mens dalk
eerder praat van ’n swart draad). Wat is die
verband dan tussen hierdie oorsake? Hulle het geweier om die Waarheid lief te hê, want hulle
het geglo wat vals is, of te wel die leuen en hulle glo nie in die Waarheid
nie, omdat hulle ’n behae het in ongeregtigheid.
Daar
is ’n baie belangrike woord in v.12, wat v.12a en v.12b met mekaar verbind,
nl. “maar” - die
Engels, “but”. Hierdie
woord dui ’n kontras aan tussen die eerste en die tweede stelling, nl. dat hulle
nie glo in die Waarheid nie, maar dat hulle ’n behae of
plesier vind in die ongeregtigheid. Die implikasie hiervan is dat mense, of
ons, nie die Waarheid aanneem nie - nie glo omdat daar nie genoeg fiete, of
genoeg Lig beskikbaar is nie, maar omdat hulle ’n behae het
in ongeregtigheid. Jesus het in Joh.3:19 gesê ~ En so kom die skeiding: die lig het na
die wêreld toe gekom, en tog het die mense
eerder die duisternis as die lig liefgehad, want hulle dade was sleg.
Onderliggend dus aan ongeloof, is ’n liefde vir
ongeregtigheid en dit neem ons terug na die eerste rede waarom mense verlore
gaan, nl. ’n weiering om die Waarheid lief te hê - die eerste rede (v.10b) en die vierde
rede (v.12b) kan dus verbind word - beide gaan oor ’n gebrek aan
liefde, en negatiewe voorkeur vir ’n bepaalde
liefde.
Die
diepste rede dus vir ongeloof, is nie die onvermoë om feite/kennis te verstaan en bymekaar te maak nie, maar die primêre rede
waarom verloregaande mense gedoem staan, is omdat hulle nie die Waarheid lief
het nie, maar eerder die ongeregtigheid (v.12b).
Hoe
kan ek en jy dan verhoed dat ons nie verlore sal gaan nie (v.10a), of hoe kan
ons ander mense help om nie verlore te gaan nie?
As
ons na Paulus se redenasie hier in 2 Tess.2:9-12 kyk, sien ons dat dit dus nie
nét daaroor gaan dat verloregaande mense vol van die Waarheid “gepomp” moet word nie - ja, daar is teksvers op teksvers wat die noodsaak van
kennis beklemtoon ten einde te glo en gered te word - dink maar net bv. aan 1
Tim.2:3-4 ~ So is dit goed en aanneemlik vir God, ons Verlosser, wat wil hê dat alle mense gered word en tot kennis van die
waarheid kom, of 2 Tim.3:15 ~ …en jy ken van
kleins af die heilige Skrif. Dit kan jou die kennis bybring wat tot verlossing
lei deur die geloof in Christus Jesus.
Paulus
sê egter vir ons dat daar ’n baie
belangriker ding, of ’n baie groter hindernis
is wat mense verhoed om kennis van die Waarheid te bekom, of om te glo, en dit
is die plesier wat hulle put uit die ongeregtigheid (v.12b). Dít is waarteen
ons in die heel eerste plek moet bid wanneer ons die Evangelie met mense wil
deel, nl. dat die Heilige Gees hulle voorliefde vir die ongeretigheid - vir
sonde, sal afbreek; dat die Here die skille van hulle oë sal laat afval soos wat met Paulus gebeur het ~ Ananias het toe
gegaan en in daardie huis gekom. Hy het Saulus die hande opgelê en gesê: “Saul, broer, die
Here Jesus wat aan jou verskyn het toe jy op pad hierheen was, het my na jou
toe gestuur sodat jy weer kan sien en met die Heilige Gees vervul kan word.” 18Onmiddellik het
daar iets soos skille van Saulus se oë afgeval en kon hy weer
sien. Toe het hy opgestaan en hy is gedoop (Hand.9:17-18).
Solank
as wat ons plesier vind in sonde sal ons nie instaat daartoe wees om die
Waarheid te glo wat die sonde in ons lewe sal openbaar nie en die openbaring
van sonde is ’n baie belangrike en noodsaaklik faset van die wedergeboorte. Kom ons
kyk net weer na v.12 ~ …sodat almal
geoordeel kan word wat die waarheid nie geglo het nie, maar behae gehad het in
die ongeregtigheid.
Ons
kan v.12 dus as volg parafraseer en illustreer:
Ons kan die
Waarheid nie glo nie,
omdat ons
plesier vind in die sonde (ongeregtigheid)
en daarom
moet ons bid
teen die
plesier (behae) van sonde (ongeregtigheid),
sodat die
Waarheid die sonde in ons lewe kan openbaar.
Ons
probleem en dan veral ook mense wat steeds in die duisternis vasgevang sit, put
vreugde uit
die ongeregtigheid en solank as wat ons en die wêreld vreugde
in sonde vind, sal ons nie ’n liefde vir die
Waarheid kweek nie en kan die Waarheid nie geglo word nie - en as ons en die wêreld nie die
Waarheid lief het nie en verkies om eerder plesier in die sonde te vind, kan
ons en die wêreld nie die sonde in ons lewe raaksien nie, trouens die wêreld (en ons moet
versigtig wees dat ons nie ook self daar beland nie) - die wêreld sal dus
elke moontlik rede soek om nié die Waarheid
te glo nie en ’n saak daarvoor uit te maak dat die Waarheid, nie die aller-Waarheid is
nie.
Die
teenoorgestelde is natuurlik ook waar: Indien ek ’n liefde vir
die Waarheid het, sal ek die sonde begin haat en my daarvan bekeer. In 1
Kor.13:6 sê Paulus dan ook dat die liefde hom nie
verheug in ongeregtigheid nie, maar die liefde verheug hom in die Waarheid.
Die
kontras hier in Tessalonisense lê dus nie
tussen geregtigheid en ongeregtigheid, of die Waarheid en die leuen nie, maar
tussen ongeregtigheid van v.12 en die Waarheid in v.10. Verder, wanneer ons
liefde van God ontvang, sal ons ’n behae hê in, nie meer die ongeregtigheid nie, maar in die Waarheid en dit lei
weer tot geloof in die Waarheid, of te wel die Woord (v.12a).
5. TOEPASSING:
Ons
moet in die eerste plek onsself ondersoek en vasstel waar die wortel vir ons ongeloof, of gebrek aan
geloof, en/of ons gebrek aan liefde vir die Woord, gesetel is - die
wortel daarvoor is ’n liefde vir ongeregtigheid, maar gaan doen
biddend ondersoek in jou lewe en probeer vasstel watter sonde vertroetel jy in
jou lewe en stel dit reg en fokus al meer en meer op die Woord - die Waarheid,
sodat jou geloof kan groei en jy sonde kan identifiseer en meer en meer haat en
jou liefde terselfdertyd groter en intiemer kan raak vir die Waarheid - hier
het ons dus te doen met ’n “heilige
kringloop” in plaas van die vorige “bose
kringloop”
En
wat diegene betref met wie jy die Evangelie deel of wil deel - bid eers dat die Heilige
Gees sy of haar voorliefde vir die sonde sal aanspreek en vewyder en daarna ’n verlange
sal gee na die Waarheid van God se Woord en eers dan moet jy in gesprek tree
met so ’n persoon.
*Met dankbare erkenning
aan John Piper en sy Labs.
(Boodskap gelewer deur Kobus van der Walt te Vaaldriehoek Gereformeerde Baptistegemeente op 09 Augustus 2015)
