1. INLEIDING:
In
Kol.1:24 staan die volgende ~ Ek is nou bly oor
al die lyding wat ek ter wille van julle moet verduur, want die vervolging van
Christus het nog nie geëindig nie. Ek verduur my deel daarvan ter wille van sy liggaam, die kerk. John Piper sê in sy karakterstudie van Adoniram Judson die volgende hierop: “We are called in our sufferings to complete the afflictions of Jesus.
You really need to ponder that. That’s a design for the ingathering and the upbuilding of the Church of the
Living Christ and it does not mean you atone for anybody’s sins or that His atoning death was in any way deficient. It means
this, I believe: The sufferings of Jesus acted out by Him in fully sufficient
atoning worth are meant to be displayed; portrayed; offered, through the
sufferings of His Body on earth. It’s a design. This is why I abominate the health, wealth and prosperity
gospel, not just because it get’s a few things wrong - it destroys the message of the Cross, which is
designed to come through His suffering Church. It is therefore a Devine plan,
or Divine design, that this Gospel spreading; Church planting purpose triumph
through the suffering of His people…”
2. SKRIFLESING:
2
Pet.2:1-22~ 1) Maar daar was ook vals profete onder die volk, en so sal daar ook onder
julle vals leraars kom. Hulle sal verderflike dwaalleer insmokkel en die Here
wat hulle vrygekoop het, verloën. So sal hulle hulleself baie gou in die verderf stort. 2) Baie mense sal hulle losbandigheid navolg, en deur hulle toedoen sal mense
kwaad praat van die Weg van die waarheid. 3) In hulle hebsug sal hulle julle met allerhande stories uitbuit. Maar hulle
vonnis is lankal gevel, en hulle ondergang is onafwendbaar. 4)
God het selfs die engele wat gesondig het, nie gespaar
nie. Hy het hulle in die hel gestort en hulle laat boei om in die duisternis
gevange gehou te word vir die oordeel. 5) Hy het ook die wêreld van die outyd nie gespaar nie, maar die sondvloed oor die wêreld van goddelose mense gebring. Net vir Noag wat die wil van God
verkondig het, en sewe ander mense het Hy gered. 6)
Die stede Sodom en Gomorra het Hy tot verwoesting
veroordeel en tot as verbrand, en met hierdie voorbeeld het Hy getoon wat oor
die goddelose mense gaan kom. 7) En tog het Hy vir Lot gered, 'n eerbare man wat gebuk moes gaan onder die losbandige
lewenswyse van sedelose mense. 8) Terwyl hy tussen hulle gewoon het, moes hierdie eerbare man dag vir dag
soveel van hulle gruweldade aanskou en sulke dinge aanhoor dat dit ’n foltering was vir sy opregte gemoed. 9) Die Here weet dus om dié wat Hom dien, uit beproewing te red, maar om die goddeloses te straf en vir
die oordeelsdag gevange te hou. 10) Veral húlle sal gestraf word wat toegee aan hulle wellustige vleeslike begeertes en
wat die gesag van die Here verag. Hierdie leraars is uitdagend en verwaand en
huiwer nie om hemelwesens te beledig nie. 11) Selfs die engele, wat tog baie sterker en magtiger is, bring nie voor die
Here lasterlike aanklagte teen hierdie wesens in nie. 12)
Maar hierdie mense praat lasterlik van dinge waarvan
hulle niks verstaan nie. Hulle is soos verstandlose wilde diere wat
voortgebring word om gevang en doodgemaak te word. Soos wilde diere sal hulle
ook verdelg word. 13) Vir hulle goddeloosheid sal hulle die loon van die goddelose ontvang. Hulle
verlustig hulle daarin om helder oordag swelgpartye te hou. Wanneer hulle saam
met julle eet, is hulle 'n smet en ’n skande omdat
hulle hulle aan uitspattighede te buite gaan. 14) Hulle oë is die ene
wellus, en aan sonde kry hulle net nie genoeg nie. Hulle verlei onstandvastige
mense en is bedrewe geldwolwe, die vervloektes! 15) Hulle het die reguit pad verlaat en verdwaal geraak. Hulle het die weg
gevolg van Bileam seun van Beor wat daarop uit was om vir geld onreg te pleeg, 16)
maar wat oor sy oortreding bestraf is. 'n Stom rydier het
met die stem van' n mens gepraat en 'n einde gemaak aan die onsinnige optrede
van die profeet. 17) Hierdie mense is droë fonteine, miswolke wat deur' n stormwind voortgejaag
word. Vir hulle word in die diepste duisternis plek gehou. 18)
Hulle is aanmatigend en sê sinlose dinge.
Met wellus en losbandigheid verlei hulle die mense wat pas vrygekom het uit die
kring van dié wat op dwaalweë verkeer. 19) Hulle belowe vryheid aan hierdie mense, al is hulle self slawe van die verderf;
want as iets jou in sy mag het, is jy sy slaaf. 20) Mense wat vandie besmettinge van die wêreld vrygekom het deurdat hulle ons Here en Verlosser, Jesus Christus, leer
ken het, en wat weer daarin vasgevang en daardeur oorweldig word, is aan die
einde slegter daaraan toe as aan die begin. 21) Dit sou vir hulle beter gewees het as hulle die wil van God nie leer ken
het nie as dat hulle dit wel leer ken het en daarna afgewyk het van die heilige
gebod wat aan hulle oorgedra is. 22) Van hulle is die spreekwoorde waar:"'n Hond gaan terug na sy braaksel
toe" en "' n Vark wat gewas is, gaan rol weer in die modder.
Petrus
begin in hierdie hoofstuk en dan spesifiek van vv.1-9 deur te sê wat die lot van vals profete en -leraars is en dan
herhaal hy dit weer in vv.10-19 en in vv.20-22 sê hy in geen onduidelike taal wat die uiteinde van sulke
wolwe in skaapsklere is.
3. VALS PROFETE (vv.1-9):
Die
geskiedenis van Israel is deurspek met uitstaande, betroubare en godvresende
Daar
was dus nog altyd vals profete soos ons pas gesien het in o.a. Deut.18:20, maar
daar sal ook altyd vals profete in die toekoms wees ~ Daar sal vals christusse en vals profete na vore kom, en hulle sal groot
tekens en wonderwerke doen om, as dit moontlik was, selfs die uitverkorenes te
mislei (Matt.24:24). ’n Waarskuwing
wat dus ook tot ons in ons dag gerig word.
Petrus
maak ’n baie
interessante opmerking in v.1b wanneer hy sê ~ Hulle sal
verderflike dwaalleer insmokkel en die Here wat hulle vrygekoop het, verloën. Op die oog af lyk dit asof hierdie vals profete op ’n stadium van hul lewens gered was en nou teruggeval het en uiteindelik
verlore sal gaan - hoe strook dit met ons siening wat vashou aan die
uitverkiesingsleer en wat o.a. glo aan, “eenmaal gered, altyd gered”?
Ons
moet daarop let dat Petrus twee groepe mense hier in gedagte het - eerstens,
die gelowiges aan wie hy skryf, wat prooi is vir dwaalleraars en tweedens die
dwaalleraars self.
In
Joh.10:28-29 lees ons die volgende ~ Ek gee hulle die
ewige lewe, en hulle sal in alle ewigheid nooit verlore gaan nie. Niemand sal
hulle uit my hand ruk nie. Dié wat my Vader vir My gegee het, is die belangrikste van almal, en niemand kan hulle uit die hand
van die Vader ruk nie. Hier sien ons dus dat indien jy wederbaar is,
jy nooit uit die hand van die Here sal val nie - dus verlore sal gaan nie.
Petrus se lesers het in hierdie kategorie geval. Ten spyte van al die druk en
vervolging sal die Here hulle instand hou - “een maal gered, altyd gered”!
Die
dwaalleraars daarenteen, is mense wat onder die dekmantel van Christenskap
optree asof hulle vrygekoop is en wat openlik die leer van Christus verdraai en
wil sien hoe ver hulle daarmee kan wegkom.
Petrus
sê in v.1b dat hierdie dwaalleraars wat “deur die Here vrygekoop” is, nie deur die Here vrygekoop is nie, maar hulle sê dat hulle vrygekoop is - dit is dus asof Petrus
sarkasties is wanneer hy sê, “Hierdie
sogenaamde vrygekooptes - gmff! Hulle is so min vrygekoop soos die man in die
maan, maar hulle dink en sê hulle is, maar dit is ook maar net waarby dit bly - praatjies, want jy
sien geen vrug en heiligmaking in hul lewens nie, maar pasop liewe lesers - kyk
na hulle lewe en hardloop ver weg van hulle, want hulle getuig van hul redding,
maar hulle lieg!”
Petrus
gaan nou voort en bo en behalwe die feit dat hy sê dat hierdie valsleraars, leuenaars en misleiers is,
noem hy kortliks sommige van die karaktereienskappe en gedragspatrone van
hierdie “satansinstrumente”.
* Hul Karakter (v.1):
Eerstens
kyk Petrus na hierdie vals leraars se karakter en wys
hy sy lesers daarop dat hierdie “wolwe”, verderflike dwaalleer insmokkel (of op subtiele manier verkondig). Petrus gebruik baie sterk woorde in v.1b wanner hy sê (waarna ons netnou na gekyk het) ~ …die Here wat
hulle vrygekoop het, verloën. Die uitdrukking “Here” wat hy hier gebruik is in die
Grieks δεσπότης [despotēs] en beteken letterlik die Soewereine God. Petrus sê dus dat hierdie “wolwe” se boodskap lynreg indruis teen wie God werklik is - in hulle “prediking” verwerp hulle dus die soewereine God en bring hulle so ’n ewige oordeel oor hulleself. Paulus sê in Fil.3:19 van diesulkes ~ Die verderf is hulle einde; die maag is hulle god; hulle skande is hulle
trots; hulle is aardsgesind.
* Hul Invloed (vv.2-3a):
Hierdie
valsleraars kry dit nogtans reg om groot getalle aanhangers te lok - aanhangers wat
uitgebuit word deur hierdie vals leraars se verdraaide self-opgediste stories
met ’n baie mooi, oënskynlike geestelike vernis lagie en dit alles word primêr gedryf deur hulle sug na status, mag en rykdom.
Petrus
beskryf hierdie “wolwe” se invloed verder in vv.2-3, wanneer hy sê dat hierdie probleem…
- Wyd voorkom en dat baie
sulke “leraars” sal navolg (so is Joel
Osteen se “kerk” in Amerika bv. die grootste “gemeente” in die VSA. Nog een voorbeeld: Creflo Dollar wat vra vir $60 miljoen
sodat hy vir hom ’n Gulfstream
G650 privaat straler kan koop - sy motivering, sodat hy en sy gesin die Evangelie
vinniger wêreldwyd kan
verkondig - hy besit alreeds, o.a. 2 Rolls Royces en dan praat ons nie eens van
sy vaste eiendomme nie).
- In v.2 (NAV) lees ons ook van “losbandigheid” wat die dissipels van dwaalleraars navolg. Die OAV vertaal dit met “verderflikhede” en die meeste Engelese vertalings praat van “sensuality”. Die Grieks
wat hier gebruik word is ἀσέλγεια [aselgeia] wat letterlik ’n onbeheerste morele gesindheid en gedrag beteken. Hierdie “leraars” en hul volgelinge steur hul derhalwe nie veel aan wat mense dink van hul
morele standaarde nie - en ons moet nie net altyd dink aan die seksuele wanneer
ons praat van morele standaarde nie - mense wat bekend staan as Christene, maar
vir wie dit skaamteloos net gaan oor die self - bv. om volgelinge te mislei en sodoende hulself
uit sulke volgelinge verryk, tree immoreel op.
- Deur hierdie vals profete- en leraars se
toedoen sal mense Christus; Sy Koninkryk en Sy volgelinge belaster, in die woorde van Petrus, …mense (wat) kwaad praat van die Weg van die waarheid. Is dit nie juis om hierdie rede dat mense vir wie heiligmaking ’n absolute Bybelse prioriteit is en vir wie elke jota en tittel in die
Bybel die absolute Waarheid is, uitgeskel word as fundamentaliste en uit die
oude doos nie? Ongelowiges lag vir die Christendom en sê dat dit ’n godsdiens is waarmee hulle niks te doen wil hê nie - het julle al gehoor dat mense sê, “as dit is hoe ’n Christen optree, wil ek nie een wees nie”? Sulke uitlatings kom gewoonlik van mense wat enersyds nie weet waaroor
dit gaan nie (baie dikwels mense wat glo dat die Christelike
godsdiens net soetsappig, emosioneel en net om die self gaan) of mense wat nie gered is nie. Dit kom ook van mense wat na hierdie vals
leraars en hul volgelinge kyk en die Christendom met hulle vergelyk - groot
skade word dus aan die Weg van die
Waarheid gerig as gevolg hiervan.
* Hul Oordeel (vv.3b-9):
In
vv.3b-9 brei Petrus volledig uit oor die gevolge van hierdie vals profete- en
leraars se optrede en die gepaardgaande oordeel wat op hulle wag.
- Die Feit van hul Oordeel
Gekonstateer (v.3b):
Uit
v.3 is dit baie duidelik dat die valsleraars se lot reeds bepaal is, trouens
Petrus sê dat dit reeds lank tevore gekonstateer is en dat daar geen wegkomkans
vir hulle is nie - die vonnis is reeds gevel!
- Die Feit van hul Oordeel
Gemotiveer (vv.4-8):
Wanneer
ons v.4 lees herinner dit ons aan Judas 6 ~ Dink ook aan wat gebeur het met die engele wat hulle nie binne hulle eie
magsgebied gehou het nie, maar hulle aangewese woonplek verlaat het. God het
hulle met onbreekbare kettings gebind en hou hulle in duister dieptes vir die
oordeel van die groot dag. Petrus wil
vir ons daarop wys dat vals profete en dwaalleraars nie moet dink dat daar
enige verskoning vir hulle is nie, want hoe sal die Here engele wat in die
hemel gerebelleer het en nie daarmee weggekom het nie, aardse wesens met sulke
verfoeilike dwaalleer laat wegkom?
In
v.5 wys Petrus ook daarop dat goddelose mense in Noag se tyd nie gespaar was
nie en die Here het Sy oordele so sterk en ernstig oor die sondaars laat kom,
dat daar net agt oorgebly mense het - dit maak dus nie vir God saak of die
hele wêreld uitgewis
word, met die uitsondering van slegs agt mense nie - straf sal Hy hulle straf.
Net
soos in v.5, kontrasteer Petrus die sonde-gevalle mense met die regverdiges in vv.6-8 wanneer hy verwys na die inwoners van Sodom en Gomorra
wat almal gesterf het onder God se oordeel, terwyl Lot se lewe gespaar is - Lot
wat die sonde van die inwoners van Sodom en Gomora
moes aanhoor en deurstaan, maar omdat hy by die Waarheid gehou het, is hy gespaar.
- Die Feit van hul Oordeel
Gewaarborg (v.9):
Petrus
maak ’n baie
interessante opmerking in v.9 ~ Die Here weet dus
om dié wat Hom dien, uit beproewing te red - Hy red Sy dienaars UIT beproewing - dit impliseer dus
dat gelowiges nie gespaar sal word van beproewing nie, maar die Here sal hulle “daaruit red” - ons sal dus nogsteeds beproewing ervaar, maar die Vader sal ons
daardeur dra en “heelhuids
anderkant uitbring” (Kol.1:24 en Piper aan begin) Petrus sê egter terselfdertyd dat daar geen alternatief vir die
sondaars - die dwaalleraars en vals profete is nie - hulle gáán gestraf word, hulle - …wat toegee aan hulle wellustige vleeslike begeertes en wat die gesag van
die Here verag.
4. VALS PROFETE (vv.10-22):
In
vv.10-19 herhaal Petrus die lot van die valsleraars en hoe hul karakters lyk.
* Hul Karakter (vv.10-16):
ln
vv.10-16 verwys hy na hulle, …vleeslike begeertes.
Hy
gee ook sy lesers terselfdertyd die versekering dat die valsleraars steeds
onder die oordele van God staan, a.g.v. hul immoraliteit. Petrus verwys
spesifiek hier na die dwaalleraars se immoraliteit omdat hy met ’n moeilike situasie te doen gehad het, want daar was baie mense in die
kerk van destyds wat ook immorele lewens gelei het en dit geregverdig het met
allerlei redenasies, trouens hulle het so ver gegaan as om nie aan die oordele
van God te glo nie en hulle het selfs die Bybelse Waarheid t.o.v. Christus se
wederkoms afgelag. Petrus wil juis hierdie selfde aspek van die dwaaleraars se
prediking beklemtoon en daarop wys dat hulle geoordeel gaan word, nes die mense
in die Kerk geoordeel gaan word vir hul immoraliteit (Petrus gaan hierdie hele saak van oordeel en wederkoms in hoofstuk 2 in
groter besonderheid aanspreek).
’n Verdere eienskap van hierdie valsleraars is dat hulle uitdagend en
verwaand is. Die OAV sê dat hulle vermetel en aanmatigend is en die ESV voeg nog moedswillig ook
by.
Wanneer
Petrus die valsleraars se uitdagende en verwaande optrede veroordeel omdat
hulle daardeur die hemelwesens (vv.10-11) beledig - hulle wat nie eens die
Here belaster nie, dan verwys hy nié na engele in die hemele nie, maar na die valsleraars
se verwerping van alle vorme van gesag wat oor hulle aangestel is en meer
spesifiek verwysende na kerklike leierskap (OAV - Openb.2:1 ~ Skryf aan die engel van die gemeente in Éfese) en boweal die gesag van die Here.
In
vv.12-16 vaar Petrus verder uit teen die “wolwe” en verwys o.a. na hul uitsprake oor dinge waarvan hulle geen kennis het
nie. Hierdie valsleraars het die opwinding en sensasie van dierlike instinkte
verwar met die teenwoordigheid van die Heilige Gees, want hulle het waarskynlik
hul uitsprake en optrede toegeskryf aan Geesvervuldheid.
Ook
die “wolwe” se uitspattige lewenstyl en geldgierigheid word deur
Petrus uitgelig as deel van hul swak karakter en hy gaan verder en vergelyk
hulle met Bileam seun van Beor (Balaam in
Engels) - Bileam was liewer vir geld as vir die Here en sy
sug na geld was groter as Sy onderwerping aan God (Num.22:5-24:25). Bileam het
ook immoraliteit verkondig - hoor wat sê Openb.2:14 van Bileam ~ Maar Ek het enkele dinge teen jou:dat jy daar mense het wat vashou aan die
leer van Bíleam wat Balak geleer het om ’n struikelblok voor die kinders van Israel te werp, naamlik om afgodsoffers
te eet en te hoereer (sien ook Num.31:16).
As
ons kyk na Num.22:27-35 sal ons sien dat Bileam aangespreek was deur ’n donkie, asook deur ’n engel van die Here en as Petrus die dwaalleraars vergelyk met Bileam,
wil hy daardeur sê dat ’n donkie oor
meer geeste insig beskik as hierdie “wolwe in skaapklere”.
* Hul Invloed (vv.17-19):
In vv.17-19 wys Petrus weer op hierdie mense se invloed op liggelowiges
en vergelyk hy hulle in v.17 met ’n droë fontein - dit is in skrille kontras met Joh.4:13-14 ~ Jesus antwoord en sê vir haar: Elkeen wat van hierdie water drink, sal weer dors kry; maar elkeen wat drink van die water wat Ek hom sal gee,
sal in ewigheid nooit dors kry nie, maar die water wat Ek hom sal gee, sal in
hom word ’n fontein van
water wat opspring tot in die ewige lewe. Net Jesus Christus alleen is die Bron van die lewe en dan gaan Hy
voort en sê in Joh.7:37b-38 ~ As iemand dors
het, laat hom na My toe kom en drink! Hy wat in My glo, soos die Skrif sê: strome van lewende water sal uit sy binneste vloei. Wanneer ons by die Ware Bron van Lewende Water drink, sal strome van
lewende water ook uit ons binneste vloei, maar Petrus waarsku en sê dat dít wat die valsleraars vir hul volgelinge gee, geen lewe verskaf nie en
is sulke volgelinge geestelik dood.
Een
van die skokkendste invloede wat vals leraars het op hul volgelinge, is dat
hulle hul toespits op jong bekeerlinge en hulle mislei en verlei, deur sinlose
dinge te sê (v.18) en die gevolg daarvan is dat mens geen vrug in
hierdie nuwe bekeerlinge se lewens kan sien nie (hulle mag dalk oor ’n skyn van godsaligheid beskik, maar daar is geen diepte en opregtheid
nie).
In
v.19 sê Petrus dat hierdie vals profete preek oor vryheid en godsdiens, maar
hulleself ken Jesus Christus nie - hulle en hul volgelinge is nie waarlik vry
nie, want hulle is nie in en deur Christus Jesus vry gemaak nie ~ As die Seun julle dan vrygemaak het, sal julle waarlik vry wees (Joh.8:36).
* Hul Oordeel (vv.20-22):
In vv.20-22 verwys Petrus na mense wat vry gekom het van hierdie wêreld, omdat hulle Christus leer ken het, maar nou weer in die wêreld vasgevang geraak het - van wie praat hy hier - van die valsleraars;
van die jong en onstandvastige gelowiges, of van beide? Soos reeds vroeër aangetoon, gaan dit oor die valsleaars.
V.21
beklemtoon die erns van afvalligheid wanneer Petrus sê dat diegene wie nooit van Jesus gehoor het nie, beter
af sal wees op die oordeelsdag, as diegene wie Jesus “ontmoet” het, maar Hom nie navolg as Verlosser en Here nie.
In
v.22 sluit Petrus hierdie gedeelte af met ’n baie sterk veroordeling van valsprofete- en leraars deur twee spreuke
aan te haal. Die eerste ’n Bybelse ~ Soos 'n hond wat na sy braaksel toe
terugkom, so is' n dwaas wat dieselfde dwaasheid weer begaan (Spr.26:11). Die tweede ’n buite-bybelse aanhaling ~ “’n Vark wat gewas is, gaan rol weer in die modder.” Beide honde
en varke was in die Joodse kultuur as onrein bestempel en daarom wil Petrus
deur hierdie twee aanhalings vir sy lesesr sê dat hierdie valsleraars onrein is en uiteindelik weer
sal terugkeer na hul heidense misleiding, leuens en korrupsie en die realiteit is dat hulle talle
mense saam met hulle in die braaksel en modder van die verderf sal intrek.
Ons moet ook besef dat predikante/leraars/dominees/pastore, nie noodwendig
die engste misleiers is nie - dit kan ook gewone mense wees.
Ons
moet ook bedag wees daarop dat dwaalleraars en hul boodskap uiters geslepe,
slinks en agteraf is en klink hul boodskap meestal só reg en aanvaarbaar - dit streel die ore!
5. TOEPASSING:
As
toepassing wil ek net enkele punte met julle deel van hoe ons dwaalleraars en
valsprofete kan identifiseer - hierdie sal maar net enkele wees:
* Die heel belangrikste vraag
wat ons altyd eerste moet vra is, oor wie die boodskap gaan - wat is die
sentrale boodskap - God Drie-Enig en meer spesifiek, Jesus Christus, of die
mens? As dit oor die mens gaan, sal die boodskap sentreer om dinge soos hoe kan
ek gehelp word; hoe lief God my het; wat ek uit my verhouding met Hom kan kry;
dat dit altyd goed met my sal/moet gaan - “ek, my en myself” dus. Die fokus moet altyd Jesus Christus wees ~ 2 Pet.1:16 ~ Toe ons aan julle die krag van ons Here Jesus Christus en sy wederkoms
bekend gemaak het, het ons ons nie op versinsels of legendes verlaat nie. Nee,
met ons eie oë het ons Hom in al sy majesteit gesien.
* Wat is die Bron van die
leraar se boodskap - die Woord van God? 2 Pet.1:3 ~ Sy Goddelike krag het ons alles geskenk wat ons nodig het om te lewe en Hom
te dien. Dit kom deurdat ons Hom ken wat ons geroep het deur sy heerlikheid en
mag. Sy Woord dus.
* Lei die boodkskap my na
vryheid of “gevangeskap”? 2 Pet.1:19b ~ Hierdie boodskap
is soos 'n lamp wat in' n donker plek skyn. Julle sal goed doen as julle in sy
lig bly totdat die dag aanbreek en die môrester opkom in julle harte. In teenstelling
hiermee sê Petrus in 2 Pet. 2:19-20 ~ Hulle belowe
vryheid aan hierdie mense, al is hulle self slawe van die verderf; want as iets
jou in sy mag het, is jy sy slaaf. Mense wat van die besmettinge van die wêreld vrygekom het deurdat hulle ons Here en Verlosser, Jesus Christus, leer
ken het, en wat weer daarin vasgevang en daardeur oorweldig word, is aan die
einde slegter daaraan toe as aan die begin.
* Kyk na die leraar se karakter
- Jaag hy waarlik 2 Pet.1:5-7 na ~ En juis om
hierdie rede moet julle alles in die stryd werp om julle geloof te verryk met
deugsaamheid, die deugsaamheid met kennis, die kennis met selfbeheersing, die
selfbeheersing met volharding, die volharding met godsvrug, die godsvrug met
liefde onder mekaar en die liefde onder mekaar met liefde vir alle mense.
* Wat is die impak van die
boodskap op die luisteraars - wat is die vrug in hulle lewe? Is die opregte sug
na en najaag van heiligaking deel van hul lewens - is hul harte fonteine van
borrelende water (2 Pet.1:5-8; 2:17)?
* Wat sê die persoon oor Jesus Christus (Matt.16:15-16
~ "Maar julle," het Hy gevra, "wie, sê julle, is
Ek?" Simon Petrus het geantwoord:"U is die Christus, die Seun van die
lewende God) en praat hy oor die Evangelie van Jesus Christus (1 Kor.15:1-4 ~ Ek herinner
julle, broers, aan die evangelie wat ek aan julle verkondig het en wat julle
ontvang het en waarin julle ook gevestig staan. Deur dié evangelie word julle ook gered as julle vashou aan die boodskap soos ek dit
aan julle verkondig het. As julle aan iets anders vashou, het julle tevergeefs
tot geloof gekom. Die belangrikste wat ek aan julle oorgelewer het en wat ek
ook ontvang het, is dit:Christus het vir ons sondes gesterf, volgens die
Skrifte; Hy is begrawe en op die derde dag opgewek, volgens die Skrifte)?
Ons
moet voortdurend bedag wees daarop en oral waar ons gaan en waar ons luister en
wat ons lees, die boodskap toets en nogmaals toets!
Boodskap gelewer deur Kobus van der Walt te VAALDRIEHOEK Gereformeerde Baptistegemeente - Sondagoggend 03 Mei 2015
